Faaitiitia le aofai o tagata e taofia I falemai ona o le koviti I Niu Sau Uelese ae toa 29 tagata ua faamaonia mai ua maliliu I totonu o le 24itula talu ai. O le aofai o tagata aafia ile setete I totonu o lea piliota e 21,030. E oo mai ile taimi nei e 2794 tagata o loo faataotolia ile falemai ona o le faamai, o le aofai sa iai muamua e 2943.
Mai Kuiniselani e toa 9 ua faamauina ua maliliu ma le 13,551 o tagata ua aafia I totonu o le 24 itula talu ai. Mai Vitoria e 35 tagata maliliu ma le 13,057 o tagata ua aafia ma Tasmania ua faamauina e toatasi foi le tagata ua maliu ma le 712 o cases fou.
O loo iai popolega ole lautele e iu ina toe oso maualuga le aofai o cases I vaega eseese o le atunuu ona o faatasiga ma polokalame faasolo o le faamanatuina o le aso faapitoa mo Ausetalia ile aso.
