O le tagata sa molia i le fasioti tagata pa’ivalea ia Luke Smith na tula’i i le Faamasinoga Faaitumālō i Ueligitone i le taeao analeila ua mafai nei ona faailoa le igoa.
Na lipotia i le One News o Siale Siale e 29 tausaga ua tatala i tua ma aiaiga e faatapulaa ai ana faigamalaga.
O Novema lea o le a toe tula’i ai i le Faamasinoga Maualuga i Ueligitone ae o lē na maliu e pei ona lipotia atu foi muamua i talafou, e 21 tausaga, o Luke Smith na malaga ane ma lona aiga mai Aferika i Saute i le amataga o le tausaga nei ma aumau ai i Upper Hutt ae feta’ua’ina na faaoolima iai se tagata i le aso 6 o Oketopa ma maliu ai mulimuli ane.
Ta’ua i le lipoti e oo mai i le vaiaso talu ai ua oo atu i le 22 afe le vaegatupe na mafai ona maua i sa’iliga tupe sa faia e fesoasoani ai i le toe aveina atu o le tinomaliu o Smith i lona atunuu mo ona toe sauniga
Puna o Faamatalaga: https://www.1news.co.nz/2024/10/21/man-charged-with-manslaughter-after-wellington-death-named/
