Ua saunoa se tasi o tagata e iai le tomai i mataupu tau le si’omaga o Atumotu laiti o le Pasefika e lagona e lē o amana’ia latou i talanoaga faavaomālō a atunuu tetele.
E lē taumate o se tasi lea o mataupu o le a lāgā ma talanoaina i le fonotaga ua amata i le asō i Samoa, fonotaga a faauluuluga o mālō o le taupulega poo le CHOGM ua faapuupuu ai i le gagana peretania.
O le ulua’i taimi lea ua talimālō ai se Atumotu o le Pasefika i lenei fonotaga tele ma le ulua’i taimi o le a fofoga ai e le Tupu o Salesa le saunoaga autū o sea fonotaga, o le faauluuluga o le Commonwealth.
E manatu Dr Robert Patman o le polofesa o mataupu faapolokiki ma fesoota’iga faavaomālō i le Iunivesite o Otago, na ia ta’ua i le faatalanoaga ma le RNZ o fesuia’iga i le tau o se tasi lea o mataupu tāua i le fonotaga ma o se tasi itu tāua e ao ona mata’itūina ona o le a finau Atumotu o le Pasefika faasaga i le manatu o le va o Saina ma Amerika o le a faamautū ai se lumana’i mo le lalolagi.
O le autū o le fonotaga i le tausaga nei One Resilient Common Future.
Puna o Faamatalaga: https://www.rnz.co.nz/international/pacific-news/531407/small-island-states-role-in-geopolitics-and-climate-change-to-top-chogm-agenda-expert
