Ua maliu Senatoa Linda White ona o se faaletonu tau le soifua maloloina ma ua faalogoina i le asō le solo atu o faamaisega ma alofaaga o tagata mai vaega eseese o le lalolagi ae taulamua ai le Palemia o le atunuu Anthony Albanese.
O White na filiflia o se senatoa o le pati a le Leipa mo Vitoria i le 2022.
O le aso 2 o Fepuari na ia folasia ai o le a ave ona livi mai le galuega ona o tulaga tau le soifua maloloina.
Fai mai le Palemia, o Linda o se uo mamae ma o se tagata sa galulue faatasi i le Palemene ma e faafetaia foi lona sao i le vaega faaupufai.
Ua ta’ua i nisi lipoti ua tele tausaga na finau ai Linda mo le union movement ma le tuuina o totogi mo livi o sauaga i totonu o aiga.
