O le naunautaiga o se tasi o alo o Samoa ia mafai ona tuufaatasia musika taatele ma iloa tele e tagata, mainstream music ma pese a Samoa ina ia atili ai ona nofo lelei i le faafofoga a tagata e le malamalama i le gagana Samoa, o le mafuaaga autu lea ua faatino ai se isi ana album o loo faalauiloa nei ua faaigoaina o le Siva Mai.
O le alii o Aaron Pulemagafa, poo The Western Guide ua lipotia i le RNZ i le aso ananafi sona manatu e faapea, o le lē lava o pese mai le Pasefika e faaaoga ai ni gagana se lua, bilingual, i totonu o musika i Niu Sila atoa ai ma lona fiafia i fatuga Samoa, ua afua ai lana album fou lea o le Siva Mai.
E aofia ai le gagana Samoa ma le faaperetania ma nai fati i le ituaiga sikaili mai le atunuu o Nigeria.
O se tasi o pese ‘Pe moni Ea’ a le alii o Aarona na faalauiloa i le 2021, na toe fetuunai ai se tasi lea o pese Samoa tuai, na faaalia le fiafia iai o le faitau afe o tagata i luga o le Youtube ma atili faaosofia ai le alii pese mai West Auckland e faaauau atili i le faalauiloaina o lana gagana Samoa e ala i fatuga.
