E leai se mea o le a faatoese ai leoleo i le auala na faatautaia ai o latou tiute i taimi o le tetee tele na faia i malae o le Palemene i le tausaga talu ai.

O le finagalo lea o le komesina o leoleo Andrew Coster ma na ia faafetaia ai foi lana aufaigaluega i le loto tetele i taimi o le tetee e pei ona e lē o toe lilo ai le faigata toe umi.

O le tali mai foi lea a le komesina e tusa ma le lipoti e silia ma le 200 laupepa a le pulega tutoatasi o loo gafa ma le iloiloina o galuega a leoleo lea o loo sau ai e toeititi o leoleo uma na atoatoa ona lelei ona faatino lo latou valaauina.

O loo talafeagai foi i le faamasino a le pulega tutoatasi auupega na faaaoga e leoleo e tali atu ai ma puipuia lo latou foi saogalemu i taimi o osofaiga.

Ae e iai foi itu na lape ai sui o le ofisa ma o loo ta’ua ai le ova faaaoga o le malosiaga o loo latou umia i nisi o taimi ma o lea na tuuina mai ai foi ma fautuaga a le pulega mo le ofisa.

Ua fai mai ai foi ma le iloiloga a le pulega ua moomia vave nisi ofu e puipuia ai sui o le ofisa i taimi faapea.

A o talia ai la e le komesina fautuaga, o loo tumau lana tali e leai se mea e moomia ai le faatoese o leoleo.