I le lakapi ua faailoa i lipoti i le asō pe ā ma le to’a 16 sui o le All Blacks o le a vaaia i taaloga a latou kalapu i le faai’uga o le vaiaso i taamilosaga faaitumālō.
O le ‘afa o Cam Roigard o le All Blacks o le a taalo mo lana iuni i le round mulimuli o le taamilosaga i le mae’a o manu’aga sa feagai ai mai taaloga o le Super Rugby.
O le a taaalo faatasi ai ma Dalton Papalii i le Counties Manukau lea e fetaui ma Manawatu i le Aso Toonai.
O le ‘au a Tasman o le a taaalo ane ai Ethan Blackadder, Noah Hoffman ma David Havili mo le talita a Ranfurly i le taaloga ma Taranaki i Nelson.
O Stephen Perofeta o loo ta’ua e ono toe foi ane foi mai manu’aga e taalo mo Taranaki.
O le Aso Gafua o muamua o le a faailoa ai le ‘au a le All Blacks ua filifilia mo le malaga taamilo mulimuli o le tausaga.
Puna o Faamatalaga: https://www.rnz.co.nz/news/sport/529720/16-all-blacks-return-for-final-round-of-npc
