O le vaiaso nei na faamamalu ai le Aso Faapitoa mo Malu o le Malo poo le Remembrance Day 2022 o se aso e manatua ai le auaunaga a leoleo uma o le atunuu ma le lalolagi ae faapea foi i latou ua maliliu a o iai i le galuega.
I le lipoti a le Samoa Global News na faailoa ai e toaiva i latou o malu o le malo na maliliu a o iai i le galuega i le 12 masina ua tuanai lea na manatua i lea aso faamanatu.
1. Late Superintendent Vaovasaomanaia Lapi Filo
2. Late Superintendent Enele Tiatia
3. Late Senior Sergeant Sefo Kelekolio
4. Late Constable Vaafuti Patu
5. Late Constable Tivoli Paga
6. Late Constable Tavita Vili
7. Late Civilian Aniterea Tavita
8. Late Civilian Lemo Leaupepe
9. Late Civilian Petelo Iakopo
O se tasi o faalavelave matuiā na tulai mai i le masina o Mati o le tausaga nei lea na lavea ai le loli a leoleo ma maliliu ai nisi o tagata faigaluega a le Matagaluega poo civilians.
O le afioga i le Sui Palemia Tuala Tevaga Iosefo Ponifasio na fai ma sui o le malo e momoli le faamalo ma le faafetai i le Matagaluega mo a latou galuega i aso taitasi i le puipuia lea o le atunuu.
E pei ona silafia o lea galuega e tele vaega e ofo ai le auaunaga a le aufaigaluega e oo lava i vaega e ono aafia ai lo latou saogalemu ma o se itu e matuai amanaia ai e Samoa lea auaunaga ma le aufaigaluega.
