Ua mafai nei e tagata galulue i Ausetalia ona lē talia valaau telefoni, imeli poo nisi lava fesoota’iga mai pule o fale faigaluega i taimi mānava, le leva o le po poo taimi foi o loo ave ai aso livi.
O le asō lea ua aloa’ia ai suiga o le tulafono lenei i Ausetalia, right to disconnect, ma o ni suiga ia mautinoa ai o loo totogi tagata faigaluega i itula sa’o o loo galulue ai.
Mai le Australian Council of Trade Unions o se tulafono o le a taofi ai fale faigaluega mai le faiga o loo toe faafesoota’i vave ai tagata galulue i suiga o sifi faigaluega.
E lē o faasā e teuteuga o le tulafono ona fesoota’i pulega o fale faigaluega i tagata galulue ma e lē o aafia ai foi tagata o loo maualuluga o latou totogi.
Ae mai le Business Council a Ausetalia, o loo ia lagolagoina le tatau ona leai o ni fesoota’iga tau galuega i tua atu o taimi faigaluega peitai o se mataupu e pa’ū lava i le va o le tagata galue ma le fale faigaluega ma e lē tau moomia ai fua se tulafono.
Puna o Faamatalaga: Australian right to disconnect from work laws come into effect (1news.co.nz)
