Ua aliae i luga o upega tafailagi video o le taimi na agai ese ai le vaalele o le Virgin Australia lea na faamalosia ona tulaueleele i le malae vaalele i Invercargill i le afiafi ananafi.
Ta’ua e le newshub o videos na maua na iloa ai o le taimi na agai ese mai ai le vaaele mai Queenstown ao lei taina le 6 ae tupu ai se faaletonu. O loo masalomia o se manulele na aafia i le vaalele ae faatoa alu ese ma vaaia ai aloiafi mai le afi ole vaalele ae faatoa i luga o le ea mo ni nai sekone.
O se tasi o le pasese na ia pueina le video i le taimi lea ma sa faamalosia ai loa le tulaueleele o le vaa i le malae vaalele i Invercargill tusa lea pe a male itula talu ona masii ese ma Queenstown.
Faafetaia e le pasese le aufaigaluega ile tulaueleele saogalemu o le vaa e 73 le pasese na iai i luga.
Puna o Faamatalaga: https://www.newshub.co.nz/home/new-zealand/2024/06/virgin-australia-flight-dramatic-onboard-video-emerges-of-moment-flames-spew-from-engine-after-taking-off-from-queenstown.html
