E $80 miliona tupe faaalu i vāea talu ona sē’ei mai le faigamalo o loo iai nei.
Ina ua tula’i mai le faigamalo faufaatasi o loo iai, na sau ai loa le faatonuga i matagaluega a le malo e faia suiga e faasao mai ai tupe faaalu e 6.5% pe 7.5% foi.
O le matagaluega a le Social Development lea e maualuga ai lava ana tupe faaalu i vāea nei, e silia lea ma le $14 miliona, lona lua ai le Oranga Tamariki e $8.5 miliona ma le ofisa o faamaumauga e $7.9 miliona.
O lipoti foi nei o loo lomia ai e 7,241 avanoa faigaluega vāea i totonu o le li’o o matagaluega ma pulega e i lalo o faamalumaluga a le malo.
E ui i nei fuainumera tetele, ae fai mai le malo e le’i uma fuafuaga e faasao mai ai nisi tupe faaalu, ae mai le iuni a le Public Service Association, o le ma’imauga o tupe.
Puna o Faamatalaga: Public sector cuts: $80m spent on redundancies since govt took office | RNZ News
