Na matuai le talitonu le pule o le faletaavale ina ua alu atu ma vaai i ana taavale ua faaleagaina e mafua mai i le avetaavale saoasaoa.
E tusa ma le $70,000 le tau atoa o meatotino ua faaleagaina a le Jez Motors i Hamilton, ma o le 4 o le 6 taavale ua faaleagaina ua write off poo ua le o toe aoga.
O le vaveao ananafi lea e faapea na faasasao ai le taavale a le 19 tausaga ua molia nei i le nofoaga o loo paka ai taavale a le Jez Motors, ma na ta’ua e leoleo o lea sa latou iloaina le taavale peitai e lei faapea na latou tuliloaina.
Faaalia ai e le alii pule o le fale taavale i le Stuff lona faanoanoa ona o le mea ua tupu, ma e le o faigofie foi ona o lea ua maua tala e leai se inisiua a le ua molia.Ua faatalosaga ai ma le alii pule ua moomia le faamalosia o tulafono mo avetaavale saoasaoa.
