E 253 moliaga ua faia e leoleo faasaga ia Vaa ma lona toalua o Maylyn Brown e mafua i se la faasalalauga i fesootaiga i luga o le api o foliga le facebook, ua aliali ai ni lafoga taufaaleaga, o upu faasoesa, ma tala faalumaluma.
Na toe valaau le mataupu lenei i le Aso Lua o lenei vaiaso, peitai ua toe tolopo i le Aso Lua asau, se’i tuuina atu e leoleo faamatalaga uma o moliaga i le loia o loo tulai mo i la’ua, ae maua ai foi le avanoa o le loia e talanoa atu i le ulugalii o loo tuuaia.
O le masina na tea nei na taofia ai e leoleo i laua o loo molia mo suesuega ma toe tatala ai i tua i ni aiaiga e faatali ai le faagasologa o taualumaga a le faamasinoga i o la moliaga.
