E 37 tausaga o se alii ua molia nei e leoleo i lona faia ai o ni tala taumfaamata’u faasaga i faamasino e toalua o le faamasinoga i luga o upega tafailagi.
Taua e le Sui Komesina o leoleo Papalii Monalisa Tiai Keti i le Samoa Global “ ua tatala nei i tua lea alii e faatali ai lona tulai i luma o le faamasinoga i le Aso 22 o Iuni 2021.”
O le amataga o le vaiaso na taofia ai lea alii ma molia ai loa i moliaga o le faia o faamatalaga tau faamata’u.
O mataupu faapea lea na faamamafa mai e Papalii “ e tatau ona manatua e tagata lautele o le saolotoga o le faalia o ou manatu e eseese ma le faia o ni tala taufa’afefe e ono aafia ai le soifua o isi tagata”
“These are serious allegations and members of the public should remember that freedom of speech does not mean you can use social media to be abusive and make threats towards other people.”
Talu ai ona o le lē mautonu lava o se faigamalo i le taimi nei ma le tele o tagata lagoalgo o vaega faaupufai e lua ua faaogasese ai e le toatele upega tafailai (social media) e faaali ai faamatalaga le talafeagai ma tusitusiga le fetaui.
O le fautuaga a le Matagaluega a leoleo ia faaoga lelei le social media e fesootai ai ma aiga i atunuu e mamao ae le’o le faia ai o ia tulaga le taupulea ma e le ‘alo foi le tulafono i soo se tagata e faia lea solitulafono.
