Ua faailoa le i’uga o se su’esu’ega na faia e Ausetalia ma ua iloa ai o telefoni feavea’i e lē maua ai se tagata i le kanesa o le ulu.
O le iloiloga sa faia faavaomalo ma faamautūina e le World Health Organisation, ua aoina ai ma silasila i faamatalaga uma mai tagata e 63 na faia iai le su’esu’ega i le va o le 1994 ma le 2022 ia vaavaai ai i aafiaga o le radiofrequency ma aafiaga tau le kanesa.
E ui la i nisi o faamatalaga e faalogoina i nisi taimi e faatatau i telefoni feavea’i o ni aitema e faaigoa i le faaperetania o carcinogen, o se mea e mafai ona afua ai le kanesa peitai e lei maua e le ausu’esu’e se sootaga i le faaaogāina o le telefoni feavea’i ma le aafia ai o se tagata i le kanesa.
E ui la o se tulaga lelei lea ua faailoa i le i’uga o lea su’esu’ega ae ua faailoa i le lipoti a le Alaata9 o loo faia pea isi su’esu’ega i le mataupu lava lea.
Puna o Faamatalaga: https://www.9news.com.au/national/phones-dont-lead-to-head-cancers-researchers-find/9fc0905f-85d4-46a8-adef-368020b3f357
