Fai mai e toeitiiti ‘afa miliona ua faasala e totogi e se tasi kamupani ona o le maliu o se tasi o ana tagata faigaluega na tanumia i le tusa ma le 600kilo o le maa.

Ua lipotia i le 7News o le kamupani a le Avant Stone, latou te sapalaia maa e lē gata i Sini ae o Newcastle foi.

Ua maua i su’esu’ega i le faalavelave lea e le’i lava tulaga tau le saogalemu sa tuuina e le kamupani mo le puipuia o soifua i lea mataupu.

O le tagata faigaluega e 56 tausaga e faigaluega i le Warehouse a le kamupani na maliu i le 2022 i lea faalavelvae ina ua omia i poloka o maa ia i le nofoaga o le kamupani i Newcastle.

Na ioeina e le kamupani a le Avant Stone lona lē faatino o lona tiute i tulaga tau le saogalemu ma le soifua mālōlōina o tagata faigaluega ma ua faatonu ai e le faamasinoga e totogi le 600 afe peitai na toesea le 25 pasene ona o le ioe i moliaga ma ua faatino ai e totogi le 450 afe. 

Puna o Faamatalaga: https://7news.com.au/news/aussie-company-avant-stone-fined-450k-after-worker-crushed-to-death-by-600kg-stone-slabs-at-newcastle-warehouse-c-16653732