Ua ta’ua i lipoti a le Radio NZ le lapata’i mai o Ausetalia i ta’ita’i o le Pasefika ua mana’omia ona o latou sauniuni mo se tulaga faaumiumi o le matāupu e faatatau i le suāuu.
O le popolega pe afai e taofia le oo mai o vaa suāuu ma ua lipotia ai le faatūina o se task force e aofia ai minisita o le va i fafo e feagai ma lenei matāupu.
Fai mai ua sauni foi atunuu o le Pasefika e faamatuu atu sa latou pepa o faamatalaga e valaauina ai le faamutaina o le taua i Iran aemaise aafiaga ua iai i tamaoaiga o le lalolagi.
Fai mai e lē o iai i le taimi nei se tulaga faaitiitia o le sapalai o le suāuu i le Pasefika ona o le taua, peita’i fai mai le failautusi o le Forum, Baron Waqa e ogaoga aafiaga e iai pe a tuuitiitia le sapalai.
O le valaau la a le Pasefika mo se filemu ma le faamutaina o le taua i Sasa’e Tutotonu, fai mai le failautusi faato’ā faamatuu aloa’ia pe afai e malilie uma iai atunuu o le Pasefika.
Puna o Faamatalaga: https://www.rnz.co.nz/news/pacific/596249/pacific-islands-leaders-endorse-fuel-taskforce-plan-amid-concerns-about-oil-supply
