Na faatino se isi osofa’iga tele a Lusia ia Ukraine i le faai’uga o le vaiaso ma ua lipotia le maliliu ai o tagata e to’afā ma le to’atele na manunu’a ai.
Ua ta’ua i lipoti a le BBC e faitau selau drones na tafanaina ane ai faatasi ai ma missiles poo ‘au’upega fana mamao.
Ta’ua e Zelensky o le aai o Kyiv na pa’ū iai le mamafa o ia osofa’iga aemaise ua aafia ai ma tagata lautele.
E le’i leva atu ona faia ane foi se osofa’iga a Ukraine ia Lusia ae na o latou teena faamatalaga a Lusia e faapea o ia osofa’iga na aafia ai ma se fale o tamaiti a’oga na maliliu ai le to’a 21.
Ua faaleo le lē fiafia o ta’ita’i o Europa i osofa’iga a Lusia aemaise o lo latou faaaogā ane o le ituaiga ‘au’upega fana mamao le Oreshnik missile o se ‘au’upega e faigatā ona fana i lalo ma e malosi tele.
Puna o Faamatalaga: https://www.bbc.com/news/articles/clyp6831yp5o
