Ua tuuaia e le taitai o le vaega faaupufai a le Advance NZ, Billy Te Kahika Jr e le I sao ma e le faamoemoeina le faitauga o le palota a NZ
O nei tuuaiga na faasalalau e Billy I luga o le facebook, faapea e le I faitaua le isi 200 afe o palota a tagata na faia mo le Advance NZ
Ua tali mai le ofisa o faigapalota, e matua le iloa poo fea e sau ai le 200 afe a Billy, ma le 20 ma ona tupu afe o palota na maua e lana pati, lea e le I ausia le pasene e saofaga atu ai I le maota
I le le taliaina ai e Billy o le faitauga le aloaia o le palota ua iai nei, o lea ua ia talosaga ai e toe faitau palota a le Advance, ma ua ia folafola foi o le a faia se app e saini uma ai tagata na tusi aao I lana pati O le Advance NZ e tele ni suiga na folafola mai I lana anavatau ina ua tutu faatasi ma le New Zealand Public Party, tutu faatasi mai ai ma Jami Lee Ross, I nai masina ae le I faia le faigapalota, peitai, e lau ane le faitauga muamua o palota I le aso toonai talu ai, e le I manuia I palota mo pati, faapea ai foi ma palota mo sui tauva.
