O loo aofia ai ma se pepe i le to’atolu o tagata ua lipotia mai ua maliliu i se faalavelave tau taavale i Western Australia i le vaega e faaigoa o le Mid West.
Fai mai na taavalevale le taavale i Yalgoo Region pe ā ma le 500 kilomita mai le itu i Matu o Perth, fai mai o le pepe tama e na o ni nai vaiaso le matua.
O le isi to’alua o tamaitai uma lea ua maliliu i le faalavelave lea i le po o le Aso Toonai talu ai.
O le isi tamaitai e 21 tausaga na maliu ai i le vaega na tupu ai le faalavelave ae o le isi e 33 tausaga na maliu i le falema’i.
O le taavale o le ituaiga o le Toyota Hilux lea na tupu ai le faalavelave i le vaveao ananafi.
E to’atolu isi na faasaoina mai lea falavelave ma togafitia i le falema’i i Perth.
O loo suesue e leoleo le faalavelave ma faamautu pe sa faia ni fusipa’u o i latou na aafia.
Puna o Faamatalaga: https://www.9news.com.au/national/crash-yalgoo-western-australia-three-killed/f1fd43cd-4563-42d6-ba3d-d3c9302bd192
