E faitau selau avanoa faigaluega o le a aveesea pe a tapunia le Timaru meatworks e pei ona lipotia i le asō.
O se fuafuaga e tapunia le pisinisi lea i Canterbury ua folasia e le Alliance Group ma pe ā ma le 600 le aufaigaluega o le aafia ai.
Fai mai le televise tasi afai ae faamaonia le fuafuaga pe a mae’a le faia o faatalanoaga, o lona uiga o le aufaigaluega o le a aafia o le a ofo iai le avanoa e toe talosaga ai e faafaigaluegaina i isi lālā o le kamupani ae o loo feta’ua’ina foi e fai si to’atele o le aufaigaluega o le a vāea lava.
O loo talitali aiga o nai tagata faigaluega i le kamupani i se isi faaaliga ae mautinoa o le a telē foi se aafiaga i nai tagata pe afai e motusia le ālatupe sa tausia ai aiga ma tau toe saili foi nisi galuega i ia faaitu o Niu Sila.
Puna o Faamatalaga: https://www.1news.co.nz/2024/09/27/hundreds-of-jobs-to-go-under-proposal-to-close-timaru-meatworks/
