E oo mai i le asō o loo su’e e leoleo se kulupu na o latou osofa’ia ni supemaketi i Melepone faaaoga ai naifi. O osofaiga ia na tupu i Cheltenham, Brighton, Mt Waverley ma Camberwell i le faaiuga o le vaiaso fai mai na iai le aufaigaluega a ia supamaketi na manunu’a ai.
O nisi tagata faigaluega ua o latou faailoa i le au tusitala ua fefefe e toe foi ane i galuega ona o faamata’u. O loo ta’ua i le lipoti e to’atolu sui o le kegi faa’aupegaina lea na ulufale ma naifi ma gaoia se tasi o supamaketi i Brighton, o se teine talavou sa faigaluega i le sifi lea na faafefe e i latou ia ae osofai le pule sa iai ma o loo maua uma i ata a le CCTV.
O loo faailoa o nisi o oloa na gaoia e aofia ai sikaleti, tupe ma ava malosi.
Puna o Faamatalaga: https://www.9news.com.au/national/hunt-for-knife-wielding-teens-after-string-of-supermarket-attacks-in-melbourne/b80597d0-79ad-45bb-8d83-9849c20f730a
