O Samoa, Tonga, Fiti ma Papua Niukini o le a tausinio amata atu i le faaiuga o lenei vaiaso i le taamilosaga sue siamupini i le lakapi a tamaitai o le Oceania e faia lea i Brisbane i Ausetalia. O le aso Faraile nei le ulua’i taaloga o lea taamilosaga sue siamupini o le a muamua taaalo ai Fiti ma Tonga, sosoo ai le taaloga a Papua Niukini ma Samoa.
O le aso Lulu o le vaiaso fou, le aso 29 o Me o isi taaloga o le a taalo ai Fiti ma Papua Niukini ae o Tonga ma Samoa. O le aso Sa aso 2 o Iuni le toe aso o le taamilosaga lenei ma ua faatulaga o le a taalo ai Tonga ma Papua Niukini ao Samoa e fetaui ma Fiti ma iloa ai le au o le a siamupini. O lea foi taamilosaga o le a saili ai ni avanoa o ia au e tausinio ai i le Ipu o le Lalolagi i le Lakapi a Tamaitai e faia i Egelani ma le taamilosaga o le Women World Fifteen.
.
