O le uluai loketi ua fausia i Ausetalia nei o le a fana agai i le vanimonimo i le amataga o le tausaga fou.

Fai mai le ABC o le kamupani a le Gilmour Space ua mae’a ona faatino a latou tapenaga mulimuli i lea loketi ua faaigoa o Eris, ua fuafua e fana ia Mati a o faatalia ai nisi vaega e ao ona ioeina muamua.

Fai mai e 25 mita le umī o le loketi ma le mamafa e silia ma le 30 tone, 5 afi ituaiga faaonaponei.

Sa muai fuafua e fanaina i le tausaga nei peitai sa iai nai fetuunaiga.

Fai mai le sui o le Gilmour i se faatalanoaga i le ABC latou te lei faatinoina lenei auaunaga muamua.

I se asiasiga a le Palemia o Ausetalia, Anthony Albanese i le nofoaga na fausia ai le loketi i se taimi e lei mamao atu na ia ta’ua ai o le poloketi lenei o se tala fiafia tele mo Ausetalia, o le uluai loketi ua fausia mai ona laufanua.