O loo iai popolega o nisi o faleoloa e faatau ai le ‘ava malosi i Aukilani i Saute ma Sisifo e i’u ina lusi le tusa ma le 40 pasene o a latou pisinisi i lalo o tulafono fou ua faasā ai ona toe faatau le ‘ava malosi i le te’a o le 9 i le po.
Ua mae’a ona autasi le palota a le Pulega a Aukilani ina ia taofia le toe faatauina o le ‘ava malosi i le taimi lea e amata i le aso 9 o Tesema o le tausaga nei.
E lē gata i lea ae e lua foi tausaga ua taofia ai mo le taimi nei le toe tatalaina o nisi pisinisi faatau ‘ava malosi i nisi o taulaga e amata atu i le masina fou o Setema.
E ui la i popolega ia o le aufaipisinisi ae ua faailoa e nisi o sui mai le komiuniti o tulafono fou ia o le a faaitiitia ai loa aafiaga o tagata mai le ‘ava malosi.
E to’atele ua faailoa le lagolago i ia tulafono fou ma le faamoemoe o le a faaitiitia ai le mau faafitauli ua alia’e e mafua mai i le ‘ava malosi ma ua faailoa e le failautusi o le Communities Against Alcohol Harm, Grant Hewison i lea lipoti, o lea faai’uga ua autausagā o tuufaatasi ma o se tulaga tāua tele mo Aukilani.
Puna o Faamatalaga: https://www.1news.co.nz/2024/08/30/stores-fear-loss-of-business-under-aucklands-new-liquor-curfew/
