E ono faaopoopo vaiaso e va ai le uluai tui o le Koviti ma le tui lona lua

O lea ua saunoa le faatonu o le soifua maloloina, Ashley Bloomfield e ono faatalosagaina le onosai mo le 8 vaiaso e va ai tui muamua o le Pfizer ma le tui lona lua, ona e saga faamausali ai le malosi e tetee atu ai I le vairusi na I lo le tolu vaiaso o loo iai nei

O saunoaga nei a le faatonusili na faia ai le konekerenisi a fomai I le faaiuga o le vaiaso talu ai I Ueligitone

I le tuufesili ai o le faatonu, na ia taua ai o le a ia talanoa I minisita faapea le tamaitai palemia, Jacinda Ardern faatatau I le tuu atu I le 8 vaiaso

O se suiga e le o tutusa ma le manatu o le minisita o le Koviti, Chris Hipkins na faailoa I le tolu vaiaso talu ai, a faaumiumi le va o le tui muamua ma le lona lua e ono augata ai tagata e faia le tui lona lua

Ese mai I vaiaso e va ai tui e lua a le Pfizer o loo faasolo nei, ua atagia mai foi I saunoaga a le faatonusili e ono moomia le faia I tausaga taitasi o tui ua taua o le booster o tui o le Koviti