A itiiti mai pe to’a 23 tagata ua maliliu ma le silia i le 70 o loo manunu’a i le pomu na pa e lata i se nofoaga o le train i le itu i Saute i Sisifo o Pakistan i le aai o Quetta.
Ua lipotia e le CNN o le faalapotopotoga tau militeli e faaigoa o le Baloch Liberation Army le BLA lea e manana’o e tuto’atasi mai le faigāmalo a Pakistan, ua o latou faailoa o latou na faatinoina le gaioiga lea ae ua ta’ua e leoleo o le atunuu o le faalavelave o le faapā pomu pule i le ola ma o loo faatino pea nei su’esu’ega ma galuega lavea’i i ē ua aafia.
A itiiiti mai pe to’a 23 na maua mai lea nofoaga na tupu ai le faalavelave.
O i latou na manunu’a e silia ma le 70 ua aveina mo togafitiga i falema’i o loo lalata ane ae ua faailoa e molimau e lē iloa pe faapefea ona faasaoina mai le to’atele mai lea ituaiga faalavelave ona o le ogaoga tele, fai mai a latou e faafetaia le Atua ina ua faasaoina mai i latou.
O le masina foi o Ianuari na faamaonia ai foi e le kulupu lea a le BLA o latou na faia osofa’iga faapapomu pule i le ola ma isi osofa’iga lea na fasiotia ai foi le silia i le 30 o tagata.
Puna o Faamatalaga: https://edition.cnn.com/2026/05/24/asia/pakistan-deadly-explosion-railway-intl
