E lē o toe mamao ona mana’omia lea e tagata Ausetalia e fia malaga i le UK, se faatagana e ulufale ai i lea atunuu i lalo o suiga fou ua faailoa e lea atunuu pe a ulufale atu i ona tuaoi.
Fai mai o se faiga fou e faaaogā ai le silafia faaonaponei, digital, ma o le polokalame o le a mana’omia ai tagata asiasi uma poo visitors e lē mana’omia ni visa ma e lei soifua ane i le UK poo Aialani e saili muamua se faatagana e malaga ai.
I lalo o suiga ua faailoa i le asō o le ETA scheme o le a faalautele i le lumana’i e aofia uma ai ma isi atunuu faapea foi ma Ausetalia.
E mafai la ona talosaga muamua mo le ETA poo le Electronic Travel Authorisation e amata i le aso 27 o Novema peitai o le mana’omia o le taliaina o lea talosaga e faato’ā mana’omia pe a oo i le aso 8 o Ianuari 2025.
E $20 le totogi o le ETA ae mafai ona faataga ane ai le tagata asiasi e faimalaga i le UK ma aumau ai mo le oo atu i le ono masina.
Puna o Faamatalaga: https://www.9news.com.au/national/aussie-travellers-to-uk-will-soon-need-digital-permission-to-enter/eae12992-fde8-4b6a-a3b2-5967bc343c74
