Ua moomia nei ni tagata volunteers mo le emergency response unit a Aukilani i Saute.
O le talosaga mai lea a le faatonu o le komiti ua ta’ua o le Auckland Council’s civil defence and emergency management, ma o loo augani mai i tagata Aukilani i Saute e fia galulue e fesoasoani atu.
O i latou nei o loo tau saili o le a fesoasoani lea i taimi e tulai mai ai faalavelave faafuasei i le lumanai.
O uiga loulouā o le tau na afatia ai Aukilani i le amataga o le tausaga talu ai, o se taimi na iloa ai le matuai moomia o le toatele o tagata galulue i taimi faapea.
O i latou o loo moomia e lē tau moomia le iai o se tomai poo se agavaa mai le tuanai, tau lava ina ia ausia le 18 tausaga, atoatoa le malosi ma o loo fia fesoasoani.
O volunteers o le a filifilia o le koleniina lea e lē gata i taavale 4WD, auaunaga e faaaogā ai helikopa ma le tele o meafaigaluega, ma e lē na o le itu i Saute o le aai o le a galulue ai, ae o le a faapea foi i isi itu o Aukilani e moomia mai ai le fesoasoani.
Puna o Faamatalaga: Volunteers sought for south Auckland emergency response unit (1news.co.nz)
