E toatolu tamaiti talavou ua molia ina ua o latou osofaia se tamaitai ma gaoia lana taavale i Niu Sa Uelese i le amataga o le vaiaso nei.
Ua lipotia e le 9News na valaau ane leoleo i le faalavelave lea i se vaitaele i Anne Street i Moree i le afiafi o le Aso Gafua.
Na logo ane ia i latou o se tamaitai e 24 tausaga na afea e ni tamaiti se toafā, na o latou sasa le tamaitai i ni laau ma i’u ina pa’ū ai i le palapala, gaoi ai ma lana ato ma sosola ese ai i le taavale SUV a sia tamaitai.
O le taeao ananafi na pu’e ai e leoleo tamaiti e toatolu mai se fale i Moree, 12 ma le 13 tausaga le matutua ae oo ane i le aoauli ae agai atu le isi talavou 14 tausaga i le ofisa o leoleo ma o loo fesoasoani nei i suesuega.
O le toatolu o tamaiti ua molia i moliaga o le gaoi ma le faaoolima, ua teena le tatala i tua ma tutulai ai i le faamasinoga i le aso ananafi.
O loo faia pea le suesuega i le asō.
Puna o Faamatalaga: https://www.9news.com.au/national/boys-charged-after-woman-attacked-suv-stolen-moree-nsw/85e915e9-8363-43b7-ab38-13f050223b2f
