E faitau piliona lea ua folafola o le a faaalu i fale e taugofie e le faigamalo a le Feterale ae lē o tagata uma o fiafia iai.

O le faamatalaga lea mai le 7News i le asō, fai mai o le vaega muamua o lea faatupega poo le funding o le a aga’i sa’o i polokalame a le Housing Australia Future Fund ma le National Housing Accord e kiliva ai le silia ma le 13,700 o fale e faigofie ona gafatia i le atunuu atoa.

O galuega mo le fausia o le 40 pasene o ia fale ua fuafua e faataunuu i totonu o le tausaga faaletupe lenei.

Saunoa ai le Palemia, Anthony Albanese, o nei polokalame e saunia ai fale o loo mana’omia e le to’atele, o fale e mafai ona gafatia sa ola ane ai foi ia.

Faailoa foi e le Malo o isi a latou fuafuaga le Help to Build ma le Build to Rent o loo teena e le Pati a le Liberals, National ma le Green.

Puna o Faamatalaga: https://7news.com.au/news/housing-funding-announced-as-senate-battle-continues-c-16066271