Ua toe faamamafa ma faamanatu le minisita o tagata Pasefika I le taua o le puipuia o le komiuniti Pasefika ao tatou faamanatu le lotu a tamaiti I le Aso Sa nei
O Aukilani lea o loo lapataiga vaega tolu ma e le o mafai lava ona faia ni sauniga lotu e pei ona masani ai le faatasitasi I totonu o falesa, ma o lea ua toe faamamafa ai e Aupito William Sio le agai I sauniga lotu faia online
O le Aso Sa nei o loo manatua ai e komiuniti Samoa, Tuvalu ma Tokelau le aso paepae faapitoa mo le fanau
I se pepa o faamatalaga o loo augani mai ai le minisita I aiga Pasefika I Aukilani e le gata o le agai i lotu online, ae ia tautuana pea e tausi le toasefulu tagata e mafai ona feiloai ma e na o le lua aiga e omai ai o loo faataga I le taimi nei
Mo ekalesia Pasefika fafo atu o Aukilani o loo iai I le lapataiga vaega lua ese ai se vaega o Waikato, ua toe faamanatu le minisita I le taua o le faia o le ufi fofoga, tausi le va faapea ai ma le faamaumau o nofoaga e asia aofia ai sauniga lotu o le Aso Sa a sau
O le feau mai le minisita, o le saogalemu o a tatou fanau o le sini autu lea ia faamuamua mo le lotu a tamaiti o lenei tausaga
