O le auaunaga a le faalapotopotoga e puipuia meaola i le atunuu le Animal Protection society, ua latou faatino ai i lenei vaiaso ni togafitiga faafomai manu, e launiu ai ta’ifau a aiga, ina taofia ai le taaloa, ma puipuia ai tagata i ni faamai e latou te feavea’i, poo le satia o le saogalemu o tagata e ni taifau fe’ai.
O le galuega lenei e pei ona faailoa e se sui o lea sosaiete e totogi e na o le 20 tala mo le taifau e tasi, e sili atu lea ona taugofie nai lo le ave i le nofoaga i Avele o loo togafitia ai meaola e aafia i faamai ma faia ai isi togafitiga.
O le afioaga o Fasitoo uta o le a faia ai lea galuega i le Aso Lulu ma le Aso Tofi o lenei vaiaso.
O le Matagaluega o leoleo ua iai se vaega faapitoa ua feagai ma le lesitalaina o taifau a aiga, lea foi e faia le galuega o le tapu’e o taifau taaloa.
Na faatino lea taumafaiga ona o nisi o tagata tafafao mai fafo na osofai e taifau, ma aafia ai le tulaga tauleleia o le atina’e o tulisi i Samoa.
