Ua tuuina mai e le Faamaisnoga maualuga le faaiuga i le mataupu faasaga i se tama matua (grandfather) lea na tuuaia i le faia o amioga matagā (indecent acts) i le afafine 7 tausaga le matua a lona atalii.
E 67 tausaga o lea tama ma e iai sona tulaga maualuga i se tasi o Ekalesia i Samoa. Ua faailoa e le faamasinoga e le mafai ona faailoa suafa o le na tuuaia ma ua faaotnuina e totogi le tino i tupe e $1000 i le Aso Faraile nei i le itula e 2 i le aoauli a leai o le a nofosala loa i le falepuipui i le 4 vaiaso.
O lea tama matua na faamaonia moliaga e lua o le faia o amioga mataga i le teineititi 7 tausaga i se faalavelave na tulai mai i le tausaga e 2017 ina ua alu lea teinetiti e ave le mago (mango fruit) i le potu a lona tama matua.
O le finau a le Loia o loo tulai mo lea tamā o le taimi muamua lea faatoa molia ai ma ua tuuina atu foi ripoti lelei mai le Ofisa o le nofovaavaaia faapea tusi mai faifeau o le ekalesia.
