Ua faasalaina le kamupani mai Aukilani o loo latou faafoea le Lone Star New Lynn ina ia totogi le 24 afe ona o le le usitaia o tuutuuga o le Koviti 19. O le faasalaga mai le Work Safe ua tuuina ile Damned Fine Food Limited atoaai ma ni faaaliga oni faasalaga se lua ile aso Faraile 21 o Ianuari.
Taua I tala mai le Televise Niu Sila o leisi faasalaga e mo le faatagaina o tagata faigaluega e lei faia ni tui puipui e faigaluega , faamaonia mai e se sooupu a le Worksafe. O leisi sala e mo le leai oni faiga poo systems lelei ua faatulaga mo le siakiina o tusipasi o tui puipui o le koviti 19 poo le Vaccine Certificate.
O ia mataupu e tai 12 afe le faasalaga ma ua faailoa e le Worksafe e fia faamauina o gaioiga a le faleaiga lea I New Lynn e le atagia ai le kamupani autu o le Lone Star lea ua maea ona faailoa lo latou lagolagoina o mea uma e manaomia ona faatino mo le Puipuia mai le Koviti 19.
I lalo o le lanu mumu ma le lanu moli ile traffic light system e mafai e faleaiga ona ofo atu auaunaga o le tausasami I totonu o le faleaiga pe afai e faaali le vaccine pass a le tagata. O faleaiga e le faaaogaina le My Vaccine Pass e manaomia ona faatino nao le auaunaga take away. E le o faailoa maia se faamatalaga a le Damned Fine Food Limited i lea mataupu.
