Ua faaopoopo fesoasoani tupe a le malo e faatupe ai suesuega e saga puipuia ai pea Niu Sila mai mala faanatura i le lumanai.
A o iai le minisita o Research, Science and Innovation Ayesha Verrall ananafi i Hawke’s Bay na ia faailoa ai le $10.8 miliona e faamatuu mai e le malo mo suesuega ua moomia vave ona fai.
O suesuega nei fai mai Verrall e iloa ai le nofoaga e faia ai auala ae o fea foi e lelei ma saogalemu i le nofo.
O ni suesuega o le a taulai i le mautinoa o loo faamoemoeina faamatalaga auā faaiuga fai.
O le silia ma le ‘afa o lea vaegatupe o le a faamatuu atu i suesuega ma le isi e lata i le $2 miliona o le a unaia ai tagata Maori i suesuega nei.
A o talanoa ai i tupe, ua lāgā ai foi ma le manatu o nisi o tagata suesue sa iai ananafi ua moomia le sui o le tulafono e faasā ai ona fau fale i nofoaga e telē le lamatia.
