O le iuga o palota faataitai sa faatino mai le faaiuga o le na vaiaso sei oo mai i le taeao analeila ua iloa ai le alualu pea i luga o le lagolago a tagata ina ia tumau pea le avea ai o Anthony Albanese ma Palemia o Ausetalia.
Ma ua faasolo ai ina telē le va ma le eseesega ma le taitai o le Liberals, Peter Dutton.
Na faailoa mai iuga o le palota faataitai i le maea ai o le faigamalaga a le alii Palemia ia Albanese mai le itu i Saute i Sasae o Kuiniselani lea na aafia i le afā.
O le faaiuga foi o le vaiaso ua tuanai na faamautu mai ai le toe manumalo ai o le Leipa o le faigamalo a Ausetalia i sisifo poo western Australia.
O le tulai mai o lologa ma le afā i Kuiniselani ua lē valaauina ai e le Palemia se palota mo Aperila e pei ona manatu iai nisi peitai ua faailoa i lipoti o le a agai le atunuu i le faigapalota i le masina o Me.
Puna o Faamatalaga: https://www.9news.com.au/national/newspoll-shows-labor-or-coalition-majority-government-unlikely/a3cf2f2d-1ef4-4020-b8d3-5a9acdf31435
