Ua faafetaia e le toatele le vave o mafaufauga ma gaioiga a nisi o tamaiti sa iai I se paka ile itu I matu o Sini ina ua afea e se alii ma ofo iai tupe ia mulimuli atu ai tamaiti ia te ia.

Fai mai le lipoti pe a male toafitu tamaiti na iai I le paka ma e lei faavaleaina I faamatalaga a lea alii.

Na tapue e tamaiti ata ma videos o le alii lea ma tuuina I o latou matua ma tuli ai loa e tagata na iai I le paka. Ua tuuina ai ma se lapataiga a leoleo I matua ma tamaiti I faaitu ia ia faaeteete ma mataitu ituaiga tagata faapea.

E talitonu leoleo o le tagata lava foi lea e tasi na ia ofoina tupe I nisi o teineiti I le taulaga faatau I Belrose ma tauanau teineiti e mulimuli atu ia te ia.

O loo sue pea nei e leoleo ae ua faafetaia le atamamai ma le mataala o tamaiti ile paka ua le mafai ai ona taunuu fuafuaga a lea tagata e manatu le toatele e le o se tagata lelei.