O le ta’ita’i o le Malo le afioga i le Palemia na avea ma sui o le Malo ma le atunuu atoa, e momoli le faafetai i le sao o aoga a le Malisi i le atina’e o Samoa i soo se auaunaga ma tautua, amata mai i le tausaga e 1924 na uluai faatuina ai le asosi o Malisi tuai seia oo mai ina atoa le selau tausaga o lea faalapotopotoga ua toe faamaopoopo ai alii ma tamaitai sa a’oa’oina i le Malisi.
O le tō’ai taunuu o le solo umi a sui o le asosi i soo se tausaga sa a’oa’oina ai i le Malisi na saunoa ai le tamaitai Palemia e momoli le faafetai i le asosi ona ua lē gata o lona sao i le avea o nisi ma ta’ita’i o le malo, ae o totonu o a’oa’oga, ma ekalesia.
Le ta’ita’i o le Malo le afioga i le tamaitai Palemia, afioga Fiame Dr Naomi Mataafa i se vaega o lana saunoaga i le faamanatu ai i lenei vaiaso o le selau tausaga talu ona faavae le asosi o tama ma teine tuai o le Malisi i Samoa.
