Ua mae’a sainia e le Pacific Community (S.P.C.) ma le Malo o Denmark se maliega e tuuina mai ai se fesoasoani tupe e €5 miliona e lagolagoina ai taumafaiga a le Pasefika e tuuitiitia aafiaga o suiga maaleale o le tau.
O le Amepasa o le Malo o Denmark, Tomas Anker Christensen ma le Sui Faatonu Sili a le S.P.C., Dr. Paula Vivili lea sa sainia lenei maliega i le nofoaga sa faamautu ai polokalame a le Pasefika i le fonotaga a Malo Aufaatasi sa faatautaia i Dubai.
O le tele o tausaga e pei ona faailoa ai e le Amepasa mai Denmark sa lagona lava le siuleo o sui o le Pasefika i fonotaga i suiga o le tau o loo faaleo ai molimau ma le tulaga o iai atunuu o le Pasefika i aafiaga mai suiga o le tau.
Ae o lana malaga mai i le Pasefika i se taimi o le amataga o le tausaga na talitonu ai i tulaga maaleale o loo aafia ai le Pasefika.
O le faamoemoe lava ina ia galulue faatasi ma togimaa e tusa ai o taumafaiga a atunuu taitasi aemaise lava i le Pasefika o loo tuuina pea a latou mataupu ina ia fua agai ai faaiuga fai faatasi ai ma faatinoga ina ia mautinoa o loo malupuipuia ma saogalemu mai aafiaga o suiga o le tau.
