Ua taunuu i Uosigitone le alii Palemia o Christopher Luxon ma lana aumalaga ma ua faailoa e le Palemia e lē o taulai le latou malaga i se fonotaga ma le Peresetene o Amerika, Joe Biden.
O le faamoemoe o le malaga e mo le fonotaga a le NATO.
Sa faailoa e le Palemia o le auai o Niu Sila i le fonotaga ona o ni valaaulia e aofia ai ma isi atunuu e pei o Iapani, Korea ma Ausetalia.
Fai mai Luxon o le filifiliga pe faaauau i le finauina o se Peresetene o Amerika o le faai’uga lea a Biden ae o le tiute o ia o le Palemia o Niu Sila o le faamautinoa lea e mafai ona galulue faatasi ma soo se isi lava e tulai mai o le ta’ita’i o le malo tele.
Puna o Faamatalaga: https://www.rnz.co.nz/news/political/521760/luxon-not-pushing-for-biden-meeting-says-tana-an-issue-for-greens
