E ono tapu ona toe faatau se faguinu suamalie mai le tele o nofoaga i Palmerston North, pe a aloa’ia le fuafuaga ua i luma o lana puleganuu.
O lea ua iai nofoaga i Palmerston North ua faasā ai, ma o le to’atele e lē o fiafia iai e aofia ai ma le pulenuu ia Grant Smith.
Saunoa le pulenuu, ua maotua tele le mamao ua oo iai lea fuafuaga ma o lea foi ua to’atele tagata ua faaoo atu finagalo ia te ia, e lē o fiafia i le fuafuaga o le a faasā ai faguinu suamalie.
O le fuafuaga lenei, a uma ona tuu mai lea o le avanoa i tagata lautele e faaali ai finagalo lea e faamuta ia Novema, ona taoto atu loa lea i le puleganuu a Pamerston North mo lana faai’uga.
A o lē fiafia iai le pulenuu, ua faaali e le sooupu o le puleganuu i tala a le leitio faavaomalo a Niu Sila, o se fuafuaga ina ia una’ia ai le soifua mālōlōina o tagata aemaise o a latou faai’uga fai.
Puna o Faamatalaga: ‘An overreach’: Mayor against possible ban on fizzy drinks | RNZ News
