Ua talia e le Faamasinoga Maualuga le talosaga a loia a leoleo ina ia toe faaui i tua moliaga e lua a leoleo sa molia ai le sui Faipule o le Palemene le afioga Loau Keneti Sio.

Sa faailoa e le loia mo le itu a leoleo i le valaauga o lenei mataupu tau faamasinoga, o le mae’a ona toe iloilo o le faila o su’esu’ega ma moliaga na faia ai le faai’uga e toe faasolomuli i tua moliaga e lua e aofia ai le faomea poo le robbery ma le moliaga o le faaoolima i se taumafaiga e fāoa ni meatotino poo le assault with intent to commit robbery.

O le aveesea ma faalēaogāina o ia tuua’iga uma sa faaulu atu i le faamasinoga sili ua totoe ai na o moliaga o loo molia ai le faipule i le Faamasinoga Faaitumalo.