O le faipule o le Te Tai Tokerau, Mariameno Kapa-Kingi ua ia folafola se isi patī fou ua faaigoa i lona itumalo.
O le faipule lea e pei ona lipotia e le RNZ, sa faate’a ese mai le patī a Maoli i le tausaga na te’a nei a o le’i tuuina ane le faai’uga a le Faamasinoga Maualuga e uiga i le faamālōlōina o ia, na ta’ua ai e lē faatulafonoina.
Na toe faaulufale i le patī i le masina o Mati peita’i o lea ua folafola o le a tauva i lalo o se isi fu’a.
Fai mai a ia i le lipoti a le RNZ o le gaioiga ua faia e faatatau i le toe faatumauina o le paleni o mea, faamalosia o le iai o sui faalotoifale ma ia faamatuu atu ai se fe’au manino ia aua ne’i tuumāmāina malosi’aga faapolokiki o le Te Tai Tokerau.
Ua faailoa foi i se isi ana saunoaga e foliga o le a tauva i se tulaga tuto’atasi.
Lipotia foi o le vaiaso talu ai na faamavae uma ai sui o le komiti a le Te Tai Tonga mai le patī a Maoli.
Puna o Faamatalaga: https://www.rnz.co.nz/news/political/594843/te-pati-maori-splits-as-mp-mariameno-kapa-kingi-announces-new-te-tai-tokerau-party
