O le vaa mo tafaoga poo le cruise ship lea na lipotia atu o loo pepesi ai le Hantavirus, ua faailoa e le Faalapotopotoga o le Soifua Mālōlōina i le lalolagi le WHO, e lē o se amataga lea o se faama’i tele poo se pandemic.
Na faailoa e le sui mai lea faalapotopotoga o Maria Kerkhove i le BBC, e lē tutusa le Hantavirus ma le Covid-19 poo le Koviti-19 ona o le Hantavirus e faato’ā pepesi pe a vavalalata fesoota’iga.
O loo faaauau le galuega a le faalapotopotoga i le tulituliloaina o isi pasese mai le vaa lea ua aga’i ese mai.
Fai mai e to’alima ua faamaonia le aafia e ese mai le to’atolu ua maliliu.
O le vaa e igoa o le MV Hondius ma ua faamaonia pe ā ma le 150 le pasese na amata mai ai le faigāmalaga, o i latou ia e o ane mai atunuu e 28.
Puna o Faamatalaga: https://www.bbc.com/news/articles/cnvpzgn26edo
