O se tama’ita’i mai Saipan sa ia faauō atu ma faasesē se tasi tinā matua i le Northern Marianas ma Amerika foi, ua lauina nei lona faasalaga e toeitiiti 6 tausaga e falepuipui ai.
Fai mai lipoti o lea tama’ita’i e iloa foi i lona igoa o Yuki na tuuina ane iai se faasalaga mai le Faamasinoga Faaitumalo a Amerika e 71 masina e nofosala i ona aafiaga i le matāupu o le taufaasesē ma le uaeaina o tupe.
Fai mai e fai ana post ma faailoa o ia o se tagata mauoloa e iai sootaga ma Saina ma ia faailoa le manuia o fefaataua’iga i le Bitcoin peita’i sa ia faatino ni gaioiga na maua ai tupe i auala faasolitulafono ma taufaasesē.
Fai mai e masani ona ia fai i nai tinā matutua e tai pei lava i latou o lona tinā ina ia maua ai se sootaga lelei ae mulia’i ai faatino ana gaioiga taufaasesē ua lusi ai tupe a le to’atele.
Puna o Faamatalaga: https://www.rnz.co.nz/news/pacific_northern-marianas/593714/saipan-woman-jailed-over-multi-jurisdiction-bitcoin-fraud
