O se kulupu o tama’ita’i ma tamaiti ua feta’ua’ina e iai sootaga i le kulupu Isalama le Islamic State e ono toe aga’i mai i Ausetalia i se taimi e lē o toe mamao ina ua ta’ua i lipoti ua mautū ni o latou avanoa e faimalaga ese ai ma Suria.
O lipoti a le 9News ua faailoa ai o le kulupu lea e aofia ai tama’ita’i e to’afā ma tamaiti e to’a 9 na aga’i ese mai le togalauapiga sa iai i Suria i le Aso Faraile i le mae’a o se taimi umi sa aumau ai i lea nofoaga talu ona faato’ilaloina le ISIS.
Ua ta’ua ua maua uma o latou tusifolau Ausetalia ona o sitiseni o Ausetalia ma ua fuafua e aga’i ese mai ma Damascus i se taimi e lē o toe mamao.
Ua ta’ua o nisi o i latou ia e ono feagai ma ni moliaga faasolitulafono; ma e to’atele foi o loo faailoa le lē fiafia i le toe faataga mai o i latou ia i totonu o le atunuu.
Puna o Faamatalaga: https://www.9news.com.au/national/isis-brides-children-secure-flights-to-australia-from-syria/dd98abbd-a10a-4999-b5d2-995533f5c3d5
