A o faaauau ai pea ona aafia le sapalai o le suāuu i le taua i Sasa’e Tutotonu, ua faailoa mai o le tau taatele ua faatauina ai le suāuu i Amerika e $4.45 i le kalone.
Ua folafola mai e Trump o le a amata nei ona faasinosino ane e Amerika vaa i le Strait of Hormuz ma ua faailoa foi e le militeli a Amerika ua tapena iai, e aofia i tapenaga le silia i le 100 vaalele ma sui o ia auaunaga e 15 afe faapea ma ‘au’upega e faaaogā e faaleagaina missiles poo ‘au’upega fana mamao.
Ua ta’ua i le lipoti lava lea a le CNN se faamatalaga mai se sui sinia o Iran o Ebrahim Azizi o lea fuafuaga a Amerika o le a solia ai aiaiga o le taofia o fetauiga e pei ona iai nei.
E iai se vaa na lipotia mai sa osofa’ia i le Strait of Hormuz ae leiloa poo ai na osofa’ia ma o loo saogalemū uma le auvaa.
I talanoaga i le va o Amerika ma Iran ua faailoa e Trump o loo sologa lelei talanoaga ma sui o Iran peita’i fai mai se sui mai le Matāgaluega o le Va i Fafo a Iran o loo iloilo nei e lona atunuu le tali atu a Amerika i le fuafuaga o le filemū poo le Peace Proposal na tuuina ane e Tehran.
Fai mai nisi finagalo faaalia i upega tafa’ilagi o le fuafuaga lea a Amerika mo le ta’ita’i ane o vaa faapisinisi e ui ane i le Strait of Hormuz o le a lagonaina ai e auvaa faalogona saogalemū.
Puna o Faamatalaga: https://edition.cnn.com/2026/05/03/world/live-news/iran-war-news
