I lipoti lata mai a le CNN i le matāupu i le va o Amerika ma Iran, ua faailoa ai e le failautusi o Amerika, Marco Rubio o le operation a le militeli a Amerika na amata ia Fepuari ua mae’a, ma ia ta’ua ai o le vaega ua ave iai le faamuamua a Amerika i le taimi nei o le toe tatalaina lea o feoa’iga i le Strait of Hormuz.
Ua faailoa foi e Trump i lea lava lipoti o le a taofi mo le taimi nei le Project Freedom lea sa fuafua e aga’i ane ai le navy e ta’ita’i ane ma faasino vaa faapisinisi i le Strait of Hormuz se’i vaai pe iai se maliega e faia ma Iran.
O lipoti foi ia ua faailoa ai ua iai nei i Beijing le Minisita o le Va i Fafo a Iran, Abbas Araghchi mo talanoaga ma le Minisita o le Va i Fafo a Saina o Wang Yi.
Fai mai o vaiaso ua tuana’i sa fealua’i ai Arachgi e aoina le lagolago faavaomalo ma le taumafaiga o se tali o le vevesi ma Amerika ma Isaraelu.
O Saina o se tasi o paaga vavalalata a Iran ma latou te faatāua foi le suāuu mai Tehran.
O loo feta’ua’ina foi se malaga a Trump i Saina e feiloa’i ma Peresetene Xi Jinping.
Puna o Faamatalaga: https://edition.cnn.com/2026/05/05/world/live-news/iran-war-news
