Ua tuuina mai nei e le vaega o le vaaitau fautuaga o lapata’iga o timuga mamafa mo Ueligitone ma Wairarapa se’ia pā’ia afiafi o le Aso Lua.
I tulaga o fautuaga o loo faamauina ai le iai o ia faaitu i le lanu mūmū, o lona uiga o loo iai i se tulaga ogaoga ona o le mata’utia o nei tulaga faalenatura.
Ma ona o ia aafiaga o lea na tuuina mai ai le iai o Ueligitone ma le itumalo o Carterton i poloa’iga o faalavelave tutupu faafuase’i poo le State of Emergency.
Ua fautuaina le tele o aiga o loo nonofo i nofoaga maualalalo i itu i Saute o Lower North ina ia aga’i ese mai o latou fale mo le latou saogalemū talu ai aafiaga o lōlōga.
Ua faatulaga nei fautuaga o timuga mamafa mo Tararua i le faatulagaga lanu moli, ma galuega māta’itū mo Taihape, Whanganui ma Manawatu.
Ae ua amata nei galuega māta’itū mo savili poo matagi malolosi mo Taranaki, Kapiti Coast, faapea foi Ueligitone, Marlborough Sounds, Buller, Grey and Westland.
I ripoti i le taeao analeila o loo faamauina ai le faatino o galuega faamamā mo nisi o vaega o North Island o vaega na faaleagaina mai lōlōga tetele lea na āfatia ai ia itu i le amataga o le vaiaso.
O loo fautuaina pea e sui o faalavelave tutupu faafuase’i tagatānuu ina ia ‘aloese mai le aga’i i luga o auala, ma ia vave oese mai ma fale poo nofoaga o iai pe a ua iloa e lē o saogalemū mo i latou.
Faailoa foi e le MetService o le faaauau ai ona to mai o timuga mamafa e ono oo ai i se tulaga ogaoga, o le ono lamatia o soifua mai i ni eleele solo e tula’i mai.
Puna o Faamatalaga: https://www.rnz.co.nz/news/emergencies_local/592910/weather-live-red-rain-warnings-all-day-for-flooded-wellington-region
